Shpërthim i madh në Bejrut

18:25 | 4 Gusht 2020

Një shpërthim i madh ndodhi të martën në kryeqytetin libanez, Bejrut duke dëmtuar ndërtesat dhe zyrat përreth qytetit.

Agjencia e Lajmeve shtetërore potencoi se zjarri u shkaktua afër portit në Bejrut.

Lidhur me këtë rast, ekipet e zjarrfikësve nxituan në vendngjarje për të shuar zjarrin. Mediet lokale, ndërkohë raportuan se shumë njerëz u lënduan gjatë këtij incidenti.

Një dëshmitare e rastit shprehet se shpërthimi mund të jetë shkaktuar nga një raketë, ndërsa disa stacione televizive, thonë se incidenti vjen nga porti i Bejrutit, brenda një zone ku ruhen fishekzjarrët.

Shpërndaje në rrjete sociale