Shpërthen inceneratori në Gjermani, tymi i zi mbulon qytetin

12:44 | 27 Korrik 2021
A. B.

Një shpërthim i fuqishëm është ndjerë gjatë mëngjesit të së martës në Leverkusen të Gjermanisë.

“Bild” publikoi disa foto dhe video ku duket një re e madhe e zezë. Sipas raportimeve paraprake, bëhet fjalë për një incident në një incenerator të mbetjeve urbane.

Autoritetet u kanë bërë thirrje banorëve që të mbyllin dyert dhe dritaret, ndërsa njerëzit janë paralajmëruar të futen në ambiente të mbyllura sa më shpejt të jetë e mundur për të mos rrezikuar intoksikimin.

Autostrada që kalon pranë inceneratorit është mbyllur plotësisht për të shmangur kalimin e makinave në zonë.

#Leverkusen #Explosion #Müllverbrennungsanlage der Bayer AG brennt! Fenster und Türen schließen! https://t.co/a0hLqiLWvs pic.twitter.com/v5FXqBCmd0

— Schockfünf (@FohlenJens) July 27, 2021