Sekretari i Përgjithshëm i OKB-së, Antonio Guterres ka paralajmëruar se “përshkallëzimi më serioz” i dhunës në Rripin e Gazës e vendos enklavën e rrethuar në “prag të luftës”, duke i bërë thirrje Izraelit dhe Hamasit që të rifillojnë armëpushimin e vitit 2014.

Shefi i OKB-së tha në një raport të marrë nga agjencitë e lajmeve se ai është “i tronditur” nga përdorimi i zjarrit nga Izraeli, pasi që protestat e kufirit filluan në Gaza më 30 mars, transmeton portali arbresh.info.

Guterres tha se ushtria e saj ka “një përgjegjësi për të ushtruar kufizim maksimal” përveçse si një mjet i fundit.

Raporti u dërgua në këshill javën e kaluar përpara një takimi të martën mbi konfliktin izraelito-palestinez.

“Vrasja e fëmijëve, si dhe e gazetarëve dhe stafit mjekësor të identifikuar qartë nga forcat e sigurisë gjatë një demonstrate janë veçanërisht të papranueshme,” tha Guterres.

“Atyre duhet t’u lejohet të kryejnë detyrat e tyre pa frikë nga vdekja ose dëmtimi”.

Izraeli ende nuk i është përgjigjur akuzave./Arbresh.info/