Rusia e ka regjistruar shifrën më të lartë ditore të të vdekurve nga Covid-19.

Brenda 24 orëve janë shënuar 852 viktima, shkruan “The Guardian” transmeton arbresh.info

Besohet se në këtë gjendje po ndikojnë varianti Delta dhe hezitimi i popullsisë për t’u vaksinuar.

Shifra e re e rasteve fatale e çon në 205.531 numrin e përgjithshëm të të vdekurve nga pandemia në Rusi. Ky njëkohësisht është numri më i madh i viktimave në Evropë.

Rekordi i viktimave të pandemisë në Rusi u shënua edhe të premten e javës së kaluar.

Pavarësisht rekordit, autoritetet ruse janë akuzuar se i kanë zvogëluar shifrat e të vdekurve dhe të infektuarve.

Ndyshe Rusia është e pesta në botë me mbi shtatë milionë raste me Covid-19 që nga fillimi i pandemisë, ndërsa fushata e vaksinimit nuk është zhvilluar në masë të kënaqshme. /arbresh.info/