Trupat ruse kanë bombarduar me intensitet mbrëmjen e së premtes qytetin jugor të Ukrainës, Mykolaiv.

Videot e publikuara në rrjetet sociale tregojnë tym e flakë në këtë zonë.

Vitaliy Kim, kreu i rajonit, tha se po luftohet për të zmbrapsur trupat ruse.

Heavy Russian shelling reported tonight in the city of Mykolaiv in southern Ukraine. pic.twitter.com/3l6sa2GJRl

— Kyle Glen (@KyleJGlen) March 11, 2022

Sipas tij, bombat kanë goditur kudo, pa diferencim, duke përfshirë edhe një lokal dhe pallat.

Sonte, zëvendëskryeministrja e Ukrainës ka akuzuar forcat ruse për shkelje të armëpushimit dhe për shënjestrimin e njerëzve që po evakuohen nga qytetet që janë duke u bombarduar.

Në një adresim përmes videos të postuar të premten, Iryna Vereshchuk, tha se bombardimet kishin penguar evakuimet nga qyteti Mariupol, ku një maternitet u bombardua këtë javë si dhe nga kryeqyteti ukrainas, Kiev.