Rusia do të krijojë skuadra autonome robotësh lufte deri në 2025

21:56 | 26 Nëntor 2019

Forcat e armatosura ruse do të marrin grupe multifunksionale robotësh luftimi deri në vitin 2025, raportonin mediat vendase duke cituar burime të ministrisë së mbrojtjes.

Shoqata e shkencës e teknologjisë, Android Technology, ka krijuar një platformë eksperimentale të quajtur “Marker” për kontrollimin e pesë makinerive pa personel që mund të zgjidhin disa detyra luftimi, e cila u prezantua muajin e kaluar në impiantin e testimeve në Magnitogorsk.

“Nuk është si përpara kur kishim një makineri pa drejtues njerëzor, pas të cilës kishte disa njerëz që e ndiqnin.

Por përkundrazi do të jenë pesë robotë dhe një operator njerëzor që i furnizon e bën plotësisht operacionale”, tha burimi.

Në janar të këtij viti u bë e ditur në media se forcat ruse morën paketën e parë të sistemeve robotike luftuese Uran-9 për të cilat ministria e mbrojtjes tha se ishin testuar në luftimet në Siri.

Kreu i kompanisë Kalashnikov, Vladimir Dmitriev, tha se gjatë testimeve u evidentuan disa mangësi si çështje të kontrollit, lëvizshmërisë e të tjera që po korrigjoheshin nga inxhinierët shkruan sot news.

Roboti autonom Uran-9 është i pajisur me raketa të komandueshme anti-tank Attaka, top gjuajtës automatik 2A72 30mm dhe mitroloz 7.62mm PKT.

Shpërndaje në rrjete sociale

Lajmet më të lexuara