Ministri i Jashtëm holandez, Bert Koenders, ka deklaruar se Holanda është në gjendje gatishmërie ndaj sulmeve kibernetike të mundshme nga Rusia që synojnë ndërhyrjen në zgjedhjet parlamentare në Holandë.

Koenders për transmetuesin NOS tha se ai ‘nuk ka prova konkrete’ për ndërhyrje të tilla, por ka theksuar se  ai ‘nuk është naiv’ për mundësinë e një kërcënimi të sigurisë para ose gjatë zgjedhjeve që priten të mbahen me 15 mars, transmeton arbresh.info.

Ministri, i cili është për një vizitë në Uashington, ka theksuar se ka biseduar me ekspertët e sigurisë në SHBS dhe me politikanët në lidhje me shqetësimet që ka Holanda në lidhje me sulmet kibernetike.

Parlamenti holandez bëri thirrje për një debat mbi çështjen pasi shërbimi i inteligjencës AIVD paralajmëroi për ndërhyrje. Sipas AIVD, autoritetet dhe kompanitë nuk duhet të “nënvlerësojnë” efektin e Rusisë.

Të njejtën brengë e ka theksuar edhe kancelarja gjermane Angela Merkel, e cila tha se Rusia mund të përpiqet të ndikojë në zgjedhjet parlamentare të përgjithshme në Gjermani./Arbresh.info