Presidenti rus, Vladimir Putin, ka deklaruar se nuk kishte zgjidhje tjetër veçse të urdhëronte atë që ai e quajti një operacion special kundër Ukrainës, duke thënë se të gjitha përpjekjet e mëparshme të Moskës për të ndryshuar situatën e sigurisë ishin asgjësuar.

Në një takim televiziv me drejtues biznesi, Putin i tha Alexander Shokhin, kreut të Unionit Rus të Industrialistëve dhe Sipërmarrësve, se Moska ishte detyruar të merrte masa dhe e dinte se sanksionet do të pasonin, shkruan Reuters, transmeton portal arbresh.info

“Ne të gjithë e kuptojmë botën në të cilën jetojmë dhe ishim të përgatitur në një mënyrë ose në një tjetër për atë që po ndodh tani nga pikëpamja e politikës së sanksioneve,” tha Putin.

Shokhin tha se Rusia duhet të stimulojë kërkesë shtesë për borxhin e qeverisë nga investitorët privatë, duke pasur parasysh sanksionet e reja perëndimore ndaj obligacioneve shtetërore ruse, duke paralajmëruar se sanksionet e reja do të ishin më të ashpra se ato të mëparshme dhe mund të prishin zinxhirët logjistik dhe furnizimin.

Ai u bëri thirrje gjithashtu vendeve perëndimore që të mos aplikojnë sanksione për projektet klimatike./arbresh.info/