Putin e mirëpret vendimin e Trumpit për të tërhequr trupat amerikane

17:11 | 20 Dhjetor 2018

Presidenti rus Vladimir Putin ka përshëndetur vendimin e presidentit të SHBA-ve Donald Trump për t’i tërhequr trupat nga Siria pas shpalljes së fitores ndaj Shtetit Islamik të Irakut dhe Levantit (ISIL, gjithashtu i njohur si ISIS).

“Fakti që SHBA ka vendosur të tërheqë trupat e saj është e drejtë”, tha Putin në një konferencë shtypi të enjten, transmeton portali arbresh.info.

Trump njoftoi të mërkurën se të gjitha trupat amerikane do të tërhiqen nga Siria dhe se ISIL-i ishte “mposhtur”.

Presidenti rus tha se “sa i përket fitores mbi ISIS-in, në përgjithësi, jam dakord me presidentin amerikan”, duke shtuar se “kemi bërë goditje serioze kundër ISIS-it në Siri”.

Vendimi i Trump për t’u tërhequr plotësisht u konfirmua nga zyrtarët amerikanë dhe pritet të ndodhë në muajt e ardhshëm.

Megjithatë, Putin ka hedhur dyshime mbi planet e Uashingtonit, duke thënë “ne nuk shohim ndonjë shenjë të tërheqjes së trupave amerikane ende, por pranoj se është e mundur”./Arbresh.info/

Shpërndaje në rrjete sociale

Lajmet më të lexuara