Rezultati i zgjedhjeve presidenciale amerikane është në teh të thikës, ku Donald Trump dhe rivali i tij Joe Biden janë fyt-a-fyt duke luftuar për fitore në shtetet kyçe.

Trump, një Republikan pretendoi të ketë fituar dhe u zotua se do të nisë një betejë në Gjykatën Supreme, pa bazë duke pretenduar se ka pasur mashtrim, transmeton portali arbresh.info

Më herët, Biden që është nga radhët e Demokratëve tha se ishte në rrugën e duhur drejt fitores.

Miliona vota mbeten të pa numëruara dhe asnjëri prej kandidatëve nuk mund të shpallë fitoren ende. Nuk ka dëshmi për mashtrim.

SHBA është në rrugën e duhur për pjesëmarrjen më të lartë elektorale në një shekull. Më shumë se 100 milion njerëz hodhën votat e tyre në votimin e hershëm para ditës së zgjedhjeve dhe dhjetëra miliona të tjerë shtuan votën e tyre të martën.

Me kombin në ankth, rezultati përfundimtar mund të mos dihet për ditë me radhë./arbresh.info/