Plagosen të paktën dy persona nga të shtënat në një xhami në Suedi

15:39 | 15 Gusht 2025
A Z

Të paktën dy persona janë plagosur në një të shtënë me armë zjarri që shpërtheu jashtë një xhamie në Orebro të Suedisë, raporton Metro.

Autori i krimit, i cili është në arrati, hapi zjarr gjatë lutjeve në një xhami në lagjen veriore të Vivalla rreth orës 13:45 sipas orës lokale.

Policia suedezë bën të ditur se aktualisht nuk kanë informacione në lidhje me shkallën e dëmit, por bën thirrje publike që të mos afrohen te vendi i ngjarjes.

“Policia ka hapur një hetim paraprak për tentativë vrasjeje. Dy persona janë plagosur në lidhje me të shtënat”, thuhej në një deklaratë në faqen e internetit të policisë, duke mos dhënë detaje të tjera rreth rrethanave të të shtënave ose nëse autori i krimit ishte arrestuar.

Raportohet poashtu se shumë njerëz ndodheshin brenda ndërtesës në atë kohë.