Pesë shtetas gjermanë humbin jetën nga rrëshqitja e borës në Itali

18:41 | 2 Nëntor 2025
E.G

Të pesë alpinistët e humbur nga Gjermania kanë vdekur nga rrëshqitja e borës në rajonin malor Ortler në Alto Adige, në rajonin e Tirolit Jugor.

Dy trupat e fundit të humbur, një burrë gjerman dhe vajza e tij 17-vjeçare, u gjetën të dielën nga ekipet italiane të shpëtimit.

Tre trupat e tjerë të anëtarëve të grupit ishin gjetur më herët të shtunën, dy burra dhe një grua, të moshës midis 30 dhe 50 vjeç, raporton euronews.

Sipas Shërbimit të Shpëtimit Malor, shpresa për të gjetur dy alpinistët e mbetur gjallë u shua të shtunën në mbrëmje. Për shkak të kushteve të motit, operacionet u pezulluan gjatë natës dhe të dielën aktivitetet e shpëtimit u rifilluan, duke gjetur edhe dy trupat e tjerë.

Hetimet mbi shkakun e aksidentit vazhdojnë.