Përhapja e variantit “Omicron”, Kina izolon një pjesë të madhe të qytetit portual Tianjin

10:12 | 10 Janar 2022
A. B.

Një pjesë e madhe e qytetit portual Tianjin është futur në karantinë për shkak të përhapjes së variantit “Omicron” të koronavirusit. Zhvillimi vjen vetëm një muaj përpara lojërave olimpike dimërore në Pekin.

Transmetuesi shtetëror CCTV tha se qeveria ka ndarë Tianjin dhe 14 milionë banorët e tij në tre nivele kufizimesh, duke filluar me zonat e bllokimit ku njerëzit nuk lejohen të largohen fare nga shtëpitë e tyre.

Në zonat e kontrollit, çdo familje ka mundësi që te ketë një anëtar që lejohet të dalë e të blejë sende ushqimore çdo ditë, ndërsa në zonat e parandalimit, njerëzit duhet të qëndrojnë brenda lagjeve të tyre të afërta.

Autobusët dhe trenat nga Tianjin në Pekin janë pezulluar dhe njerëzve u është thënë që të mos largohen nga qyteti nëse nuk kanë punë urgjente. /abcnews.al/