Pas një vonese, pritet lirimi i 13 pengjeve izraelite dhe 39 të burgosurve palestinezë

21:06 | 25 Nëntor 2023
E.H

Mediet raportojnë se 13 pengje të tjera izraelite dhe 39 të burgosur palestinezë do të lirohen të shtunën pas një vonese të mëparshme, ka njoftuar Katari.

Zëdhënësi i ministrisë së jashtme të vendit tha se “pengesat u kapërcyen” nëpërmjet “komunikimit katar-egjiptian me të dyja palët”.

“Sonte 39 civilë palestinezë do të lirohen në këmbim të lirimit të 13 të burgosurve izraelitë nga Gaza”, ka thënë Majid Mohammed Al Ansari në mediat sociale.

Ai shtoi se “shtatë të huaj jashtë kornizës së marrëveshjes” gjithashtu do të lirohen.

Hamasi tha se “përkrah vlerësimin e tij” ndaj Egjiptit dhe Katarit për “sigurimin e vazhdimit të armëpushimit të përkohshëm me Izraelin”.

Sot, është dita e dytë e armëpushimit katërditor, i arritur midis Izraelit dhe grupit Hamas. Është armëpushimi i parë i arritur prej kur filloi konflikti më 7 tetor. /Telegrafi/