Kryeqyteti i Ukrainës ka luftuar me ndërprerjet e energjisë elektrike gjatë javëve të sulmeve ajrore ruse, por shpreson se pajisjet e reja të mbrojtjes ajrore do të shmangin sulmet e mëtejshme.

Kryetari i Kievit, Vitali Klitschko, tha se ushtria e ka siguruar se pajisjet e reja do të mbërrijnë në kryeqytet sot, shkruan Skynews.

“Ushtria më siguroi (gjatë një takimi të fundit) se pajisjet e reja të mbrojtjes ajrore kanë mbërritur në kryeqytet dhe qielli ynë do të jetë më i sigurt.”

“Shpresojmë që të mos ketë më sulme dhe provokime me dronë dhe raketa kamikaze” tha ai.

Rusia kohët e fundit ka filluar përdorimin e dronëve të prodhuar nga Irani, të cilët bien dhe shpërthejnë në objektiva.

Klitschko më herët tha se rrjeti elektrik i Kievit po funksiononte në modalitet emergjence dhe furnizimet me energji elektrike janë ulur deri në 50 për qind krahasuar me nivelet e paraluftës.

Kryeqyteti dhe rajoni përreth tij kanë përjetuar ndërprerje të energjisë elektrike ditët e fundit dhe do të ketë më shumë në të ardhmen e afërt. /arbresh.info/