OKB-ja ka akuzuar Kinën për “shkelje të rënda të të drejtave të njeriut” në një raport të shumëpritur në lidhje me akuzat për abuzim në provincën Xinjiang.

Kina i kishte kërkuar OKB-së që të mos publikonte raportin, përderisa Pekini e quajti atë një “farsë” të organizuar nga fuqitë perëndimore, shkruan BBC, transmeton portal arbresh.info

Raporti vlerëson pretendimet për abuzim kundër myslimanëve ujgurë dhe pakicave të tjera etnike, të cilat Kina i mohon, megjithatë hetuesit kanë deklaruar se kanë gjetur “prova të besueshme” të torturës që përbëjnë krim kundër njerëzimit.

Grupet e të drejtave të njeriut kanë dhënë alarmin mbi atë që po ndodh në provincën veri-perëndimore për vite me radhë, duke pretenduar se më shumë se një milion ujgurë ishin arrestuar kundër vullnetit të tyre në një rrjet të madh të atyre që shteti i quan “kampe riedukimi”.

Raportimi i BBC-së në vitet e fundit ka zbuluar dokumentacion – duke përfshirë dosjet e policisë që detajojnë ata në paraburgim – të cilat duket se mbështesin pretendimet, si dhe akuzat për përdhunim, torturë dhe sterilizimin e detyruar.

Megjithatë, raporti i OKB-së arriti në përfundimin se “shkalla e ndalimit arbitrar dhe diskriminues të anëtarëve të ujgurëve dhe grupeve të tjera kryesisht myslimane … mund të përbëjë krime ndërkombëtare, në veçanti krime kundër njerëzimit”.

Hetuesit kanë gjetur se Kina ka përdorur modele të torturës ose keqtrajtimit, duke përfshirë trajtimin e detyruar mjekësor dhe kushtet e pafavorshme të paraburgimit, janë të besueshme, siç janë pretendimet për incidente individuale të dhunës seksuale dhe të dhunës me bazë gjinore.

Pekini ka hedhur poshtë gjetjet, ndërsa zëdhënsi i Ministrisë së Jashtme e ka quajtur raportin “dezinformatë”.

Në Xinjiang jetojnë rreth 12 milionë ujgurë, kryesisht myslimanë. OKB tha se anëtarët jomyslimanë mund të jenë prekur gjithashtu nga çështjet në raport./arbresh.info/