Oficeri në SHBA shtynë biçikletën mbi kokën e një protestuesi, pas demonstratave për vdekjen Breonna Tyler

14:20 | 25 Shtator 2020
A. B.

Një oficer policie në Seattle i cili u kap në video duke ngarë biçikletën mbi kokën e një protestuesi kur ky i fundit ishte i shtrirë në rrugë, tanimë është është me leje administrative nga puna.

Sipas medieve të huaja, Departamenti i Policisë në Seattle deklaroi të martën se veprimet e oficerit po hetohen në mënyrë të pavarur nga autoritetet me kërkesën e departamentit.

Pamjet e incidentit të cilat u publikuan të mërkurën në mediet sociale, tregojnë një protestues të shtrirë në rrugë, ndërsa një oficeri i cili qëndron në këmbë shtynë biçikletën e tij mbi kokën dhe qafën e protestuesit.

Ndërkohë, pas këtij veprimi skena mbushet edhe me oficerë të tjerë përreth zonës.

Zemërimi i protestuesve pasoi kur prokurori i përgjithshëm i Kentucky njoftoi të mërkurën që asnjë oficer nuk do të akuzohej për vdekjen e Breonna Tyler. /Telegrafi/