Organizata Botërore e Shëndetësisë më në fund ka adresuar një variant të ri Covid të zbuluar për herë të parë në fund të vitit të kaluar, pasi shqetësimi për llojin e fundit përhapet në të gjithë globin.

Lloji i ri, i quajtur “varianti IHU” ose B. 1.640.2, u regjistrua fillimisht zyrtarisht në Francë muajin e kaluar pasi pacientët filluan të sëmuren në rajonin e Marsejës në nëntor, transmeton portal arbresh.info

Të paktën 12 raste të variantit IHU, i cili besohet të jetë i lidhur me udhëtimin në kombin afrikan të Kamerunit, u konfirmuan në Francën jugore pasi u zbuluan nga studiuesit nga Instituti Spitalor Universitar i Infeksionit (IHU).

Varianti ka 46 mutacione, për të cilat ekspertët besojnë se është më rezistent ndaj vaksinave ekzistuese, megjithëse nuk duket se po përhapet me shpejtësi sa Omicron.

Ndërsa detajet e llojit të ri filluan të qarkullojnë në fund të vitit të kaluar, lajmet për shfaqjen e tij u bënë tituj ndërkombëtarë vetëm këtë javë pasi tërhoqën vëmendjen e ekspertëve jashtë Francës pas publikimit të një punimi më 29 dhjetor, i cili ende nuk është rishikuar.

Së fundmi OBSH ka folur për variantin e fundit me menaxherin e OBSH-së për Covid, Abdi Mahamud, I cili pranoi se varianti “ka qenë në radarin tonë”, ndërsa shtoi se është një shenjë pozitive që IHU nuk është duke u përhapur me shpejtësi./arbresh.info/