Eskpertët ndërkombëtarë të Wuhan kanë arritur në përfundim se ka të ngjarë që koronavirusi të jetë transmetuar nga lakuriqët e natës te njerëzit përmes një kafshe tjetër.

Ata kanë përjashtuar plotësisht mundësinë që virusi që ketë dalë nga laboratori, transmeton portal arbresh.info

Ekipi i ekspertëve vlerësoi tezën për “mikpritësin indirekt” të virusit si “të mundshëm deri shumë të mundshëm”, ndërsa për tezën për “arratisjen” e virusit nga një laborator ishte “e pamundur” në raportin e shumëpritur të ekipi i Organizatës Botërore të Shëndetësisë (OBSH), raporton AFP.

Raporti i misionit ndërkombëtar në Ëuhan është pritur me padurim që kur ekipi u largua nga Kina më shumë se një muaj më parë. Ekspertët besojnë se virusi SARS-CoV-2, i cili shkakton sëmundjen Covid-19 ka origjinën nga lakuriqët e natës.

Një nga mundësitë e analizuara ishte që virusi të transmetohej drejtpërdrejt nga lakuriqët e natës tek njerëzit.

“Megjithëse virusët më të lidhur janë gjetur në lakuriqët e natës, hendeku evolucionar midis këtyre viruseve dhe SARS-CoV-2 vlerësohet të jetë disa dekada, duke sugjeruar një lidhje që mungon”, tha raporti.

“Ne konsiderojmë se varianti i mundshëm i virusit që kaloi te njerëzit përmes një kafshe tjetër, e ka origjinën nga lakuriqët e natës”, thanë ata.

Raporti nuk përjashtoi ushqimin e ngrirë si një mënyrë të transmetimit të virusit dhe kjo është teza e preferuar e Pekinit, sepse duket se virusi mund të mbijetojë temperaturat nën zero./arbresh.info/