Qeveria amerikane ka miratuar një marrëveshje për shitjen e nëntë helikopterëve shumëfunksionalë HH-60 (Sikorsky) – përfshirë edhe versione të përshtatura si ambulanca ajrore – së bashku me pajisjet shoqëruese dhe shërbimet teknologjike, për Norvegjinë.

Vlera e përgjithshme e marrëveshjes kap shifrën prej 2.6 miliardë dollarësh.

Ky shtet nordik, anëtar i NATO-s dhe fqinj me Rusinë, pritet të përfitojë nga kjo marrëveshje në aspektin e rritjes së kapaciteteve të mbrojtjes dhe sigurisë.

“Shitja do të përmirësojë aftësinë e Norvegjisë për t’u përballur me kërcënimet aktuale dhe të ardhshme duke rritur aftësitë e saj ajrore në luftime dhe operacione speciale”, thuhet në një deklaratë të Agjencisë së SHBA-së për Bashkëpunim dhe Siguri të Mbrojtjes (DSCA).

“Norvegjia do t’i përdorë këto avionë për të mbrojtur shtetet e tjera anëtare të NATO-s dhe aleatët e tyre. Norvegjia nuk do të ketë vështirësi në integrimin e tyre në forcat e armatosura”, thuhet më tej.