Një tërmet i fuqishëm goditi Japoninë verilindore të mërkurën mbrëma, duke ndërprerë përkohësisht energjinë në dy milionë shtëpi.

Lëkundjet me magnitudë 7.3 goditën të njëjtin rajon ku një tërmet i madh shkaktoi katastrofën bërthamore të Fukushimës 11 vjet më pare, transmeton portal arbresh.info

Raportohet se një person ka humbur jetën, ndërsa dhjetra të tjerë janë plagosur.

Tërmeti ndodhi në orën 23:36 (14:36 GMT), thanë autoritetet japoneze.

Menjëherë pas tërmetit, agjencia meterologjike e Japonisë ka lëshuar alarmin për tsunami.

Ofruesit lokalë të energjisë elektrike thanë se rreth 700,000 shtëpi në Tokio dhe 156,000 në verilindje të Japonisë kanë mbetur pa energji elektrike për shkak të tërmetit.

Një numër njerëzish në të gjithë Japoninë verilindore u lënduan nga rënia e objekteve ose nga rrëzimet, dhe në qytetin e Soma mediat lokale raportuan se një burrë rreth të gjashtëdhjetave ka humbur jetën.

Kryeministri i Japonisë Fumio Kishida u tha gazetarëve se qeveria po përpiqej ende të vlerësonte shkallën e ndonjë dëmi dhe autoritetet thanë se shërbimet e urgjencës ishin përmbytur me thirrje./arbresh.info/

https://twitter.com/SkyNews/status/1504203350493040641

https://twitter.com/Brave_spirit81/status/1504116136832606217

https://twitter.com/TIME/status/1504205451658936324