Pasagjerët që kanë udhëtuar nga Heathrow për në Hong Kong të martën do të jenë të parët që do ta kenë mundësinë të paguajnë për testim të shpejtë për Covid para se të nisen.

Testi do të kushtojë 80 funta dhe rezultati është i garantuar për një orë, transmeton portali arbresh.info

Qëllimi është të ndihmohen njerëzit që udhëtojnë nëpër destinacione ku është e nevojshme dëshmia e rezultatit negativ.

Collison, kompania prapa iniciativës kishte shpresuar që testi do të mund të përdorej për të hyrë në Itali, por bisedimet me qeverinë italiane janë duke vazhduar.

Një numër shtetesh e kanë futur Mbretërinë e Bashkuar në “rrezik”, që do të thotë se udhëtarët nga MB përballen me më shumë kufizime.

Autoritetet në Hong Kong tani kërkojnë nga udhëtarët testin negativ, të bërë 72 orë para nisjen nga Londra.

Tamponi i shpejtë i pështymës, i cili tani është i disponueshëm në Heathrow Terminalet 2 dhe 5, njihet si një test i Llambës (Amplifikimi Izotermik i Ndërmjetësuar me Lak).

British Airways, Virgin Atlantic dhe Cathay Pacific tani do t’ua ofrojnë atë klientëve./arbresh.info/