Ministri për Evropë dhe Punë të Jashtme i Shqipërisë, Igli Hasani, ka bërë të ditur se është nënshkruar marrëveshja për Sigurimet Shoqërore ndërmjet Shqipërisë dhe Italisë.

Me anë të një postim i në Facebook, Hasani ka shkruar se kjo marrëveshje u garanton qytetarëve të të dy vendeve të drejtën për të gëzuar të gjitha përfitimet e kontributeve të tyre.

“Premtim i mbajtur! Marrëveshja për Sigurimet Shoqërore ndërmjet Shqipërisë dhe Italisë, e nënshkruar sot, u garanton qytetarëve të të dy vendeve të drejtën për të gëzuar të gjitha përfitimet e kontributeve të tyre, lehtëson aksesin në këto përfitime dhe lejon pagesën e pensioneve jashtë vendit”, shkroi Hasani.

Sipas tij, kjo është arritja e rradhës e marrëdhenieve të shkëlqyera ndërmjet këtyre dy vendeve

“Rezultat i një pune të gjatë të palëve, si dhe i angazhimit personal të Kryeministrit Edi Rama dhe Zv. kryeministrit dhe Ministrit te Jashtëm të Italisë Antonio Tajani, kjo marrëveshje e rëndësishme është arritja e rradhës e marrëdhenieve të shkëlqyera ndërmjet dy vëndeve”., përfundoi Hasani./Arbresh.info