Në këtë muaj mund të mbahet takimi Biden-Putin

18:19 | 25 Prill 2021
M. A.

Presidentët e Rusisë dhe Shteteve të Bashkuara, Vladimir Putin dhe Joseph Biden, ka të ngjarë të takohen në qershor, por vendimi përfundimtar varet nga shumë faktorë, tha një zyrtar i Kremlinit.

Në një intervistë për kanalin Russia 1, këshilltari i politikës së jashtme Yuri Ushakov tha se kishte sinjale nga Uashingtoni që udhëheqësit do të takoheshin, raporton agjencia ruse e lajmeve TASS.

“Sigurisht, vendimi që do të marrim do të varet nga shumë faktorë,” tha ai.

Më 13 prill, Putin dhe Biden folën në telefon dhe Shtëpia e Bardhë njoftoi se Biden bëri një propozim për të mbajtur një samit “në një vend të tretë në muajt e ardhshëm”.

Biden më vonë konfirmoi se ai i ofroi homologut të tij rus që të takohej në Evropë këtë verë.