Malajzia ka ndaluar 270 refugjatë Rohingya, barka e të cilëve kishte lundruar prej thuajse dy muajsh për shkak të izolimeve të koronavirusit.

Ata ikën nga jugu i Bangladeshit në fillim të prillit, por nuk ishin në gjendje të ankorojnë askund, transmeton portali arbresh.info.

Dhjetëra persona që ishin në bord kërcyen në det dhe tentuan të notojnë deri në breg kur barka e tyre e peshkimit që ishte edhe e dëmtuar u pikas nga roja bregdetare e Malajzisë.

Vitet e fundit, një numër i madh i myslimanëve Rohingya kanë ikur nga Mianmar, ku ata përballen me përndjekje.

Shumë njerëz kanë shkuar në Bangladesh fqinj, duke vendosur kampin në Bazar të Cox, i cili është shtëpia e rreth një milion Rohingya.

Disa janë përpjekur të shkojnë në Malajzi, një vend i afërt mysliman, i cili është parë si një strehë e sigurt në rajon.

Në vitet e mëparshme, kontrabandistët kanë arritur të sjellin dhjetëra mijëra Rohingya në mënyrë të paligjshme në Malajzi.

Por Malajzia tani ka refuzuar të lejojë që anijet e refugjatëve të ankorohen, duke përmendur pandeminë Covid-19 si një arsye./arbresh.info/