Një e mbijetuar e luftës në Bosnje ka thënë se ukrainasit, të dashurit e të cilëve janë vrarë në krime të dukshme lufte, mund të marrin drejtësi, por duhet të presin një kohë të gjatë përpara se e vërteta të mbizotërojë.

Rusia kishte mohuar vrasjen e qëllimshme të civilëve, por Ukraina thotë se ka shumë prova për të kundërtën në qytete si Bucha dhe Irpin, transmeton portal arbresh.info

Munira Subasic ndihmoi në krijimin e organizatës “Nënat e Srebrenicës” për të kërkuar që viktimat e gjenocidit të vitit 1995 të identifikoheshin dhe përgjegjësit të sillen para drejtësisë.

“Janë dashur dekada për të arrestuar dhe për të vënë para gjyqit liderët serbë të Bosnjës”, tha ajo për AP, duke shtuar se “ata u përpoqën të fshihnin se fëmijët tanë kanë ekzistuar ndonjëherë, të cilët në thelb pretendonin se ne nuk ishim kurrë nëna, se kurrë nuk lindëm askënd”.

“Mohimet e Rusisë për masakrat që ushtarët e saj po kryejnë tani në Ukrainë, për mua tingëllojnë njësoj si mohimi i gjenocidit të Srebrenicës”, tha ajo.

Megjithatë, ajo ka shtuar se nëse të mbijetuarit janë këmbëngulës, e vertëta do të mbizotërojë.

Më shumë se 7,000 djem dhe burra boshnjakë, kryesisht myslimanë, janë vrarë në masakrëne Srebrenicës në korrik të vitit 1995./arbresh.info/