Qindra doza të vaksinës kundër koronavirus AstraZeneca po hidhen çdo ditë në Stokholm sepse banorët refuzojnë të vaksinohen me të, ka deklaruar një mjek suedez.

Johan Styrud i Shoqatës Mjekësore të kryeqytetit Suedez tha se nuk ka vullnetarë të mjaftueshëm për AstraZeneca, kështu që vaksina duhet të hidhet nëse nuk përdoret brenda disa orësh, transmeton portal arbresh.info

Në Suedi vaksina AstraZeneca është e kufizuar për ata mbi 65 vjeç, pasi janë raportuar raste të rralla të mpiksjes së gjakut në të gjithë botën si një efekt anësor i marrjes së ilaçit.

Mediat suedeze raporton se disa pacientë anulojnë vaksinat e tyre të planifikuara kur mësojnë se do të marrin vaksinën AstraZeneca.

Styrud, si dhe Agjencia Evropiane e Barnave (EMA) dhe Organizata Botërore e Shëndetësisë (OBSH), theksoi se përfitimet e kësaj vaksine tejkalojnë rreziqet, kështu që ai u bëri thirrje njerëzve të vaksinohen.

Refuzimi i vaksinës AstraZeneca u regjistrua gjithashtu në Kroaci, e cila aktualisht ka numrin më të madh të tyre, njoftoi media kroate./arbresh.info/