Ministria e Jashtme e Rusisë akuzon SHBA-të: Po mbroni al-Nusrën

21:28 | 24 Dhjetor 2016
Trina Galanxhi

Uashingtoni po mbështet grupin terrorist al-Nusra dhe është e gatshme të ndihmojë forcë shkatërruese për të arritur ndryshimin e regjimit në Siri, thuhet në një deklaratë të Ministrisë së Jashtme në Rusi.

“Është vënë re se për një kohë të gjatë administrata e tanishme e Uashingtonit është e gatshme të ndihmojë forcat destruktive për të ndryshuar regjimin në Siri”, thuhet në deklaratën e publikuar të shtunën, transmeton arbresh.info.

Moska thotë se Shtetet e Bashkuara në mënyrë efektive ‘po mbron grupin terrorist al-Nusra’ .

Ministria e Jashtme ruse tha se Shtëpia e Bardhë ‘ka harruar se në bazë të ligjit amerikan, mbeshtetja e grupeve terroriste është vepër e rëndë penale’.

Kjo deklaratë është lëshuar si pjesë e reagimit të Rusisë pas vazhdimit të sanksioneve amerikane ndaj Rusisë për shkak të krizës në Ukrainë./Arbresh.info