Presidenti i Këshillit Europian, Charles Michel, ka akuzuar sot Rusinë për përdorimin e furnizimeve ushqimore si një armë kundër vendeve në zhvillim dhe fajësoi Kremlinin për krizën e afërt globale.

Kjo ishte edhe arsyeja se pse ambasadori i Rusisë në OKB, Vasily Nebenzya, lëshoi sallën, transmeton portal arbresh.info

Michel iu drejtua ambasadorit rus në mbledhjen e Këshillit, duke thënë se disa javë më parë ai pa miliona tonë drithë dhe grurë të mbërthyer në portin ukrainas të Odessa, “për shkak të anijeve luftarake ruse në Detin e Zi”.

Ai tha se sulmet e Moskës ndaj infrastrukturës së transportit të Ukrainës dhe objekteve të magazinimit të grurit po e pengojnë Ukrainën të prodhojë grurë.

“Kjo rrit çmimet e ushqimeve, i shtyn njerëzit në varfëri dhe destabilizon rajone të tëra. Rusia është e vetmja përgjegjëse për krizën e afërt të ushqimit. Vetëm Rusia,” tha Michel.

Michel gjithashtu ka akuzuar ushtrinë ruse për vjedhjen e grurit nga zona të ndryshme në Ukrainë./arbresh.info/