Angela Merkel mbrojti vazhdimin e përpjekjeve të ndërprera të paqes për Ukrainën lindore dhe vuri në dukje se Gjermania është e përkushtuar për të ndihmuar Ukrainën.

Në një konferencë të përbashkët shtypi me Presidentin ukrainas Vladimir Zelensky, Merkel avokoi punën për mbajtjen e një takimi të udhëheqësve të Rusisë, Ukrainës, Gjermanisë dhe Francës mbi situatën në Ukrainën lindore, e cila u realizua për herë të fundit në vitin 2019.

“Sipas mendimit tim, kjo do të sillte përparim, nëse arrijmë të bëjmë një plan të mirë. Më vjen mirë që Presidenti Zelenski është gati ta bëjë këtë,” tha Merkel, raporton AP, transmeton portal arbresh.info

Zelensky tha se Kievi po kërkonte një armëpushim të përhershëm në Ukrainën lindore dhe u bëri thirrje partnerëve perëndimorë që të bëjnë presion mbi Rusinë për të bërë përparim në Ukrainën lindore.

“Për sa kohë që nuk ka përparim, presioni mbi Rusinë duhet të vazhdojë. Ne duam të shohim përpjekjet aktive të partnerëve tanë perëndimorë,” tha Zelenski.

Merkel tha se ajo pret që qeveria e ardhshme gjermane të “punojë në të njëjtën frymë” me Ukrainën, duke u përpjekur që vendi të rimarrë integritetin e tij territorial dhe t’i mundësojë asaj të vazhdojë reformat e brendshme./arbresh.info/