Një makinë ka përplasur një grup demonstruesish në Mynih të Gjermanisë, duke lënë shumë të plagosur.

Mediat lokale raportojnë se të paktën 15 persona janë lënduar nga incidenti.

Një zëdhënës i policisë ka deklaruar: “Aktualisht po zhvillohet një operacion i madh policor në zonën e Dachauer Straße. Forcat e sigurisë janë në vendin e ngjarjes.”

Ngjarja ndodhi gjatë një tubimi të organizuar nga sindikata gjermane Verdi.

Rreth orës 10:30, drejtuesi i mjetit dyshohet të ketë humbur kontrollin dhe është përplasur me demonstruesit në Seidlstrasse.

Hetimet janë në vazhdim dhe do të zbulojnë nëse aksidenti ka qenë i qëllimshëm apo një gabim i shkaktuar nga konfuzioni midis gazit dhe frenimit.

Sipas një dëshmitari okular, makina duket se ka hyrë qëllimisht në mesin e turmës, por kjo ende duhet të verifikohet nga autoritetet.

Detaje të tjera nuk janë bërë të ditura ende.