Londinezët në protestë pas vdekjes së shqiptarit

20:16 | 30 Gusht 2017
Arbresh.info

Vdekja e shqiptarit 30-vjeçar Ardian Zagani rrugëve të Londrës teksa po shkonte me biçikletë në ditën e parë të punës së tij në një kolegj, ka shkaktuar një valë të gjerë reagimi, pasi qytetarët janë hedhur në protestë.

londineze-1

Sikundër demostrohet edhe nga fotoja në fjalë, dhjetëra qytetarë anglezë kanë dalë të protestojnë në mënyrë simbolike, nën moton “Stop vrasjes së çiklistëve”. Ky reagim qytetar erdhi pas vdekjes së shqiptarit Zagani, i cili u përplas nga një kamion “Ford Transit” rreth orës 6 të mëngjesit, në rrugën “Camden Holloway”.

“Do të bashkohemi në orën 6 pasdite në një protestë të madhe më 4 shtator, për t’u solidarizuar me viktimat e aksidenteve rrugore,” shkruhet në faqen e Facebook të nismës “Stop vrasjes së çiklistëve”.