Londër: Pasi ther me thikë një udhëtar, sulmuesi bërtet ‘kush është mysliman këtu, se dua ta vras’ (Video)

16:42 | 12 Dhjetor 2016
Trina Galanxhi

Sulmuesi i cili e theri me thikë një udhëtar në një tren në jug të Londrës, raportohet se i ka ndjekur njerëzit në stacioni të trenit duke bërtitur “dua ta vras një mysliman”.

Udhëtarët dëshmitarë të këtij sulmi kanë thënë se një udhëtar u ther me thikë teksa po qëndronte i ulur pranë gruas në tren, transmeton Express.

Raportohet se më pas, sulmuesi ka vrapuar jashtë stacionit me thikë në dorë duke bërtitur “kush është mysliman, se dua ta vras një mysliman.”

Policia e ka arrestuar sulmuesin, dhe thotë se ai ndodhet në paraburgim tani.

Ndërkaq, udhëtari i plagosur është trajtuar fillimisht në vend të ngjarjes e më pas është dërguar në spital.

Emma Pinder, dëshmitare e rastit, ka thënë për Mirro Online: “Një njeri doli më vrap nga stacioni me thikë në dorë dhe të gjithë personat filluan të ikin dhe bërtasin.”

Duke shtuar: “Ai po bërtiste ‘kushdo që është mysliman, do ta vras’”.