Liderët evropianë kërkojnë fond prej disa trilionë eurosh për rimëkëmbje nga koronavirusi

12:05 | 23 Prill 2020
Arbresh.info

Liderët evropianë do të zhvillojnë një video-samit ku pritet të diskutojnë përgjigjen e përbashkët financiare ndaj recesionit ekonomik si pasojë e virusit Covid 19.

Ata pritet të kërkojnë nga Komisioni Evropian formimin e një Fondi të Rimëkëmbjes, që do të ndihmoj sektorët dhe vendet më të prekura nga koronavirusi, shkruan arbresh.info.

“Unë propozoj që t’i kërkojmë Komisionit të analizojë nevojat e sakta, dhe të prezantojë një dokument që bashkon të gjitha sfidat me të cilat po përballemi”, ka thënë Presidenti i Këshillit Evropian, Charles Michel.

Edhe pse ende nuk është bërë e qartë se si do të mbushet ky fond, disa propozime kërkojnë që shuma e tij të shkoj nga 1 deri në disa trilionë euro./arbresh.info/