Lavrov i thotë John Kerry-it: Damasku është gati t’i lejojë rebelët të largohen nga Aleppo, por ata po refuzojnë

18:32 | 14 Dhjetor 2016
Trina Galanxhi

Ministri i Jashtëm rus Sergei Lavrov gjatë një bisede telefonike me Sekretarin e Shtetit, John Kerry, ka theksuar se Damasku është i gatshëm për të lejuar militantët të largohen nga Aleppo, megjithatë ai ka shtuar se ‘rebelët nuk e kanë respektuar armëpushimin’.

“Sergei Lavrov vuri në dukje se autoritet sirianë kanë qenë prej kohësh të gatshme të lejojnë militantët të largohen nga Aleppo, por ata nuk pranojnë të respektojnë armë pushimin pasi ata janë duke u ndikuar nga grupi terrorist al-Nusra”, thuhet në deklaratën e Ministrisë së Jashtme të Rusisë, transmeton arbresh.info.

Lavrov gjithashtu i ka bërë thirrje Uashingtonit të bindë grupet rebele siriane të mbështetura nga SHBA-të për të ndalur armiqësitë në Aleppo./Arbresh.info