Kryeministri i Finlandës: Rusia po përgatitet për një luftë të gjatë me Perëndimin

12:54 | 13 Mars 2024
K.B

Kryeministri i Finlandës, Petteri Orpo thotë se Rusia është duke u përgatitur për një konflikt të gjatë me Perëndimin – por nuk është e pathyeshme.

Petteri Orpo ka folur të mërkurën në Parlamentin Evropian për rëndësinë e forcimit të sigurisë dhe mbrojtjes së vendit, pasi Vladimir Putin u zotua të dërgojë trupa në kufirin Rusi-Finlandë në përgjigje të pranimit të Finlandës në NATO, shkruan Sky News.

Udhëheqësi rus tha në një intervistë se pranimi ishte “një hap absolutisht i pakuptimtë nga pikëpamja e sigurimit të interesave kombëtare të Finlandës.

“Rusia duket se po përgatitet për një konflikt të gjatë me Perëndimin”, u tha Orpo eurodeputetëve, por shtoi: “Rusia nuk është e pathyeshme”./abcnews.al