Koretë diskutojnë t’i japin fund zyrtar Luftës 68-vjeçare

15:57 | 17 Prill 2018

Koreja e Veriut dhe Koreja e Jugut janë duke menduar për dhënien e një përfundimi zyrtar të gjendjes efektive të luftës që ka ekzistuar mes tyre që nga viti 1950, sipas gazetës jugore të Koresë Munhwa Ilbo.

Të dy kombet kanë qenë teknikisht në luftë për 68 vjet, pasi asnjë marrëveshje paqeje nuk është nënshkruar për të zëvendësuar një armëpushim të vitit 1953, transmeton portali arbresh.info.

Raporti pohon se, në takimin e javës së ardhshme midis presidentit të Koresë së Jugut Moon Jae-in dhe udhëheqësit të Koresë së Veriut Kim Jong Un, fqinjët mund të lëshojnë një deklaratë të përbashkët duke thënë se ata do të sjellin një përfundim zyrtar të konfrontimit midis vendeve të tyre.

Një linjë direkte telefonike mes Moon dhe Kim mund të zhvillohet të premten, tha shefi i shtabit të Moon, Im Jong-seok në një konferencë.

“Përfundimi i gjendjes së konfliktit është thelbi i gjithë gjërave. Paqja është aq e komplikuar sa denuklearizimi”, tha John Delury, një profesor i asociuar i studimeve kineze në Universitetin Yonsei në Seul.

“[Por] duhet të ketë gjithashtu një proces të vërtetë që të japë paqen”./Arbresh.info/

Shpërndaje në rrjete sociale

Lajmet më të lexuara