Ministri i Jashtëm i Koresë Veriore, Ri Yong Ho, gjatë fjalimit të tij në Asamblenë e Përgjithshme të OKB-së, ka kritikuar vendimin e OKB-së për sanksione të mëtejshme ndaj vendit dhe ka kritikuar ashpër Presidentin amerikan, Donald Trump.

Ai e ka quajtur Trumpin person me njohuri të limituara dhe ‘gjuhë të gjatë’, transmeton portali arbresh.info

“Trump na ka kthyer në një vend pazari”, ka thënë ai.

“Ai ka fyer dinjitetin e vendit tonë dhe liderit tonë, pasi i është referuar atij ( Kim Jong-un) si ‘njeriu raketë’”, ka shtuar ai.

Ri ka shtuar se Trump ‘është duke kryer mision vetëvrasës’, ndërsa ka shtuar se ‘ai (Trump) duhet të bëj kujdes me gjuhën e tij të gjatë’.

Ai tha se ndihet i detyruar t’i përgjigjet komenteve të Trump, duke thënë se ai përbën ‘kërcënim për sigurinë ndërkombëtare’.

Ri nuk ka kursyer fyerjet ndaj Trump, duke e quajtur të ‘sëmurë mentalisht dhe plot megalomani’./arbresh.info/