Ad Banner
Ad Banner
Ad Banner
Ad Banner

Koreja Veriore i cilëson “akt të luftës” sanksionet e reja amerikane

12:54 | 25 Shkurt 2018
Arbresh.info
Koreja Veriore ka dënuar sanksionet e reja të Shteteve të Bashkuara për regjimin verikorean, duke akuzuar Uashingtonin se po tenton të pengojë rregullimin e marrëdhënieve me Korenë Jugore gjatë kohës sa janë mbajtur Lojërat Olimpike Dimërore.
Deklarata e publikuar nga agjencia e lajmeve të Koresë Veriore, KCNA, ka ardhur vetëm disa ditë, pasi administrata e presidentit amerikan, Donald Trump ka njoftuar për masa të reja ndëshkuese, duke synuar rritjen e presionit ndaj Phenianit për programin e saj të armëve bërthamore.

“Të dy Koretë kanë bashkëpunuar dhe Lojërat Olmpike janë mbajtur me sukses”, është cituar të ketë thënë ministri i Jashtëm veri-korean, sipas agjencisë, KCNA.

“Mirëpo Shtetet e Bashkuara kanë dërguar kërcënimin e luftës në Gadishullin Korean me anë të sanksioneve të reja, pak para ceremonisë mbyllëse të Lojërave Olimpike”, është thënë ndër të tjera në raportimet e kësaj agjencie.

Sanksionet e reja kanë shënjestruar më shumë se 50 kompani dhe anije të lidhura me Korenë Veriore.

Ministria e Jashtme e Koresë Veriore ka thënë se ndonjë bllokadë eventuale do të konsiderohet si “akt i luftës”, bazuar në raportimet e KCNA-së.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm