Financieri i Vatikanit, Kardinali George Pell, ka mohuar me forcë çdo keqbërje në akuzat për abuzime seksuale në Australi.

Ai u ankua se ai ishte nënshtruar “vrasjes së pamëshirshme të karakterit” gjatë një hetimi dyvjeçar mbi pretendimet “e rreme”, transmeton portali arbresh.info.

Ai tha se Papa i kishte dhënë një leje mungese për të luftuar akuzat.

Akuzat lidhen me ngjarjet e pretenduara “historike”, tha policia në shtetin e Viktorias.

Pretendimet u bënë nga një numër njerëzish, tha zëvendëskomandanti i policisë, Shane Patton.

Kardinali Pell, 76 vjeç, i cili është i vendosur në Vatikan, konsiderohet si zyrtar i tretë në Selinë e Shenjtë.

Ai tha në një konferencë shtypi në Selinë e Shenjtë se ai do të udhëtonte në Australi nëse mjekët e tij e lejonin atë.

“Unë jam i pafajshëm për këto akuza, ato janë të rreme. E gjithë ideja e abuzimit seksual është e neveritshme për mua”.

Kisha Katolike në gjithë botën përgjatë viteve të fundit është duke u përballur me akuza dëmtuese që kanë të bëjnë me abuzimet seksuale të priftërinjve dhe pretendimet se janë mbuluar këto raste./Arbresh.info