Përfaqësuesi i lartë i politikes së jashtme të Bashkimit Evropian, (BE), Joseph Borrell ka uruar Dritan Abazoviçin për formimin e Qeverise së Malit të Zi.

Borrell me anë të një postimi në twitter, ka thënë se Mali i Zi është një partner i besuar dhe mezi presin të punojnë së bashku.

“Mirë se vjen qeveria e re e kryeministrit @DritanAbazovicnë Mal të Zi. Mezi presim punën tonë të përbashkët për përparim të prekshëm në rrugën drejt BE-së. Mali i Zi është një partner i besuar, i përafruar plotësisht me politikën e jashtme të BE-së”, shkroi Borrell në Twitter.

Në seancën e Kuvendit të Malit të Zi në Cetinje, sot u votua Qeveria e pakicës e kryeministrit Dritan Abazoviq, me çka përfundoi mandati teknik tremujor i Qeverisë së kryeministrit Zdravko Krivokapiq, të cilit iu votua mosbesimi më 4 shkurt. / arbresh.info/

Welcome the new government of Prime Minister @DritanAbazovic in Montenegro.

Looking forward to our joint work for tangible progress on EU path.

Montenegro is a trusted partner, fully aligned with the EU’s foreign policy.

— Josep Borrell Fontelles (@JosepBorrellF) April 28, 2022