Presidenti rus Vladimir Putin sipas të gjitha gjasave ka urdhëruar sulmin me agjent nervor mbi ish spiunin dhe vajzën e tij, ka thënë Boris Johnson.

Sekretari i jashtëm tha se “grindjet tona janë me Kremlinin e Putinit dhe me vendimin e tij” mbi incidentin e Salisbury-t, transmeton portali Arbresh.info.

Rusia mohon përfshirjen dhe tha se akuzat kundër Putinit ishin “tronditëse dhe të pafalshme”.

Ndërkohë, kreu i NATO-s i tha BBC se Rusia ka nënvlerësuar “vendosmërinë dhe unitetin” e aleatëve të Mbretërisë së Bashkuar.

Duke folur gjatë një vizite në një bunker ushtarak të Londrës me ministrin e jashtëm polak, zotëri Johnson tha se “grindjet e Britanisë së Madhe janë me Kremlinin e Putinit”.

“Ne mendojmë se është shumë e mundshme që ishte vendimi i tij për të drejtuar përdorimin e një agjenti nervor në rrugët e Mbretërisë së Bashkuar, në rrugët e Evropës, për herë të parë që nga Lufta e Dytë Botërore”, tha ai.

Ish spiuni rus Sergei Skripal, 66 vjeç dhe e bija Yulia Skripal, 33 vjeçe janë në gjendje të rëndë në spital, pasi u gjetën pavetëdije në një stol në qytetin Wiltshire me 4 mars./Arbresh.info/