Kryeministri i Italisë, Mario Draghi shkarkoi të hënën komisionerin special italian të COVID-19, Domenico Arcuri dhe e zëvendësoi me një ekspert logjistik të ushtrisë, në një sinjal që qeveria donte të shpejtonte vaksinimet.
Masa pasoi ankesat në rritje në lidhje me trajtimin e krizës nga Arcuri dhe shqetësimin se fushata e vaksinave anti-COVID po ecte përpara shumë ngadalë.
Është një nga vendimet e para të mëdha të Draghit që kur u bë kryeministër muajin e kaluar dhe pas shkarkimit të javës së kaluar të shefit të agjencisë së mbrojtjes civile, transmeton Telegrafi.
Ky hap u pa gjithashtu si një përpjekje për të përmirësuar përgjigjen e Italisë ndaj krizës së pandemisë.
Komisioneri i ri i coronavirusit u emërua Gjenerali, Francesco Paolo, një ish-komandant i forcave të NATO-s në Kosovë dhe shef i logjistikës së ushtrisë që nga viti 2018.
Draghi i tha parlamentit muajin e kaluar se dëshironte të përfshinte ushtrinë në planin mbarëkombëtar të shpërndarjes së vaksinave.
Deputeti gjerman: Nëse Serbia dëshiron BE, duhet ta njohë Ko...
A mund të ndikojë rezultati i zgjedhjeve në SHBA në Ballkan?
Hamasi do ta mbajë të fshehtë identitetin e liderit të ri pë...
Shkëlqeu me Granadan këtë fundjavë, Uzuni në formacionin e j...
Policia jep detaje për aksidentin tragjik ku humbën jetën dy...
Pastrim parash, korrupsion dhe mosdeklarim pasurie, si ndodh...