Mijëra mjekë, infermierë dhe punonjës të kujdesit shëndetësor dolën në grevë në Itali për të kundërshtuar projektligjin e buxhetit të qeverisë për vitin 2025.
”Deri në 85% e mjekëve po i bashkohen aksionit tonë në disa zona”, thanë sindikatat duke shtuar se aktualisht po funksionojnë vetëm repartet e kujdesit intensiv dhe dhomat e urgjencës.
Sindikatat thonë se rreth 1,2 milionë shërbime mjekësore, si kontrollet apo operacionet jo urgjente, mund të shtyhen.
Largimi është për shkak të projektbuxhetit të qeverisë për vitin e ardhshëm, me sindikatat që thonë se masat e sektorit shëndetësor do ta lënë stafin mjekësor të përballet me një ngarkesë tepër të madhe pune për shkak të mungesës së stafit dhe mjediseve të dobëta.
Ata kritikojnë nivelin e pagave dhe thonë se buxheti nuk parashikon investime të mjaftueshme. Një valë protestash për buxhetin e planifikuar pritet në Itali në ditët në vijim. Një grevë 24-orëshe nga punonjësit e hekurudhave është caktuar për fundjavën.
Më 29 nëntor partitë opozitare dhe sindikatat e mëdha po thërrasin një grevë të përgjithshme kundër buxhetit./abcnews/
Shpërthen një nga vullkanet më aktivë në botë në mbi 100 met...
Bislimi akuzon Petkoviqin për deklarata të rreme pas takimit...
Maqedonci nga SHBA: Thellimi i bashkëpunimit në mbrojtje me ...
Edhe pse luan aty, ish-lojtari i Ajaxit arrestohet në Dubai ...
Gyokeres në qendër të polemikave me klubin e tij – Arsenali ...
Gjykata e Apelit në Tiranë liron 39-vjeçarin nga Prizreni, r...