Irani ka kërcënuar të bombardojë Izraelin dhe Dubain nëse Shtetet e Bashkuara ia kthejnë raketat baliste që i hodhi sot në dy baza ushtarake amerikane.

Teherani gjuajti më shumë se 12 raketa në dy baza ushtarake në Irak si hakmarrje ndaj sulmit me dron nga SHBA ku mbeti i vrarë gjenerali iranian Qassem Soleimani, transmeton portali arbresh.info.

Baza ajrore Ain al-Assad në Irakun perëndimor që u vizitua nga Donald Trump në dhjetor të 2018 dhe baza në Erbil, të dyja u goditën nga raketa balistike.

LEXO EDHE: Hakmerret Irani, hedh dhjetëra raketa mbi dy baza ushtarake amerikane

Garda Revolucionare e Iranit paralajmëroi SHBA dhe aleatët e saj rajonalë kundër hakmarrjes për sulmin me raketa.

Garda lëshoi ​​paralajmërimin përmes një deklarate të transmetuar nga agjencia shtetërore e Iranit e lajmeve IRNA.

“Ne po paralajmërojmë të gjithë aleatët amerikanë, të cilët i dhanë bazat e tyre ushtrisë së saj terroriste, se çdo territor që është pika fillestare e veprimeve agresive kundër Iranit do të jetë në shënjestër”, tha Garda.

Një tjetër kanal televiziv i Gardës gjithashtu kërcënoi të bombardojë Dubai dhe Haifa në Izrael./arbresh.info/