Hixhabi pjesë e uniformës zyrtare të policisë skoceze

15:32 | 28 Korrik 2017
Arbresh.info

Policia e Skocisë ka bërë të ditur se hixhabi do të jetë pjesë e uniformës zyrtare, në përpjekjet për të krijuar më shumë diversitet brenda forcës.

Forca tha se ata shpresojnë se masa do të “inkurajojë gratë nga komunitetet myslimane, të cilat më parë nuk mund ta kenë parë policinë si një mundësi karriere, të rishqyrtojnë”, transmeton portali arbresh.info.

Në të kaluarën, oficeret myslimane të policisë në Skoci ishin të lejuara të veshin shami, por vetëm pasi miratohej nga anëtarët e lartë të stafit.

Policia Metropolitane paraqiti hixhabin si një pjesë fakultative të uniformës zyrtare të forcave në vitin 2001 si pjesë e një përpjekjeje të ngjashme për të rekrutuar një përzierje më të ndryshme të oficerëve.

Njoftimi u përshëndet nga Shoqata Myslimane e Policisë Skoceze (SPMA), një grup që synon të ndërtojë lidhje midis bashkësive myslimane në Skoci dhe policisë./Arbresh.info