Gorbaçovi i bën thirrje Trumpit dhe Putinit ‘të rindërtojnë besimin’

20:40 | 6 Korrik 2017
Trina Galanxhi

Udhëheqësi i fundit sovjetik, Mikhail Gorbaçov, një ditë para takimit të G20-tës, i ka bërë thirrje Donald Trumpit dhe Vladimir Putinit që të rivendosin besimin mes SHBA-ve dhe Rusisë.

“Është shumë pozitive që po ndodh një takim i tillë, por është e turpshme që po ndodh kaq vonë”, ka thënë Gorbaçov për agjensinë shtetërore të lajmeve ruse RIA Novosti, transmeton portali arbresh.info

“Është humbur shumë kohë që duhet të kompensohet. Ata të dy duhet të punojnë që të rindertojnë besimin”, ka shtuar ai.

Marrëdhëniet mes Moskës dhe Uashingtonit janë në pikën më të ulët.

Gorbaçovi ka krahasuar këtë takim me takimin e tij të parë me homologun amerikan Ronald Reagan, që u zhvillua në Gjenevë me 1985, duke këmbëngulur se disa anëtarë të administratës së Reganit u përpoqën që ky takim të mos zhvillohej./Arbresh.info