Mbetjet e njërit prej dy trupave të gjetur në pyjet e largëta të Amazonës janë ato të gazetarit anglez, Dom Philips, ka konfirmuar policia braziliane.

Ata thonë se identifikimi është bazuar në të dhënat dentare, transmeton portal arbresh.info

Trupi i dytë – që besohet të jetë ai i ekspertit indigjen Bruno Pereira – është ende duke u ekzaminuar.
Phillips, 57 vjeç dhe Pereira, 41 vjeç, u raportuan për herë të parë të zhdukur më 5 qershor. Në fillim të kësaj jave, një i dyshuar pranoi se kishte varrosur trupat.

I dyshuari më vonë u emërua si Amarildo da Costa de Oliveira. Policia tha se ai kishte shpjeguar në detaje se si u vranë të dy burrat përpara se të çonte oficerët në vendin ku ishin varrosur trupat e tyre.

Vëllai i të dyshuarit, Oseney da Costa de Oliveira, gjithashtu është arrestuar në lidhje me vrasjet, por mohon çdo përfshirje.

Pas rrëfimit të të dyshuarit, familja e Dom Phillips tha se ishin “zemërthyer”.

“Ne u jemi mirënjohës të gjithë atyre që kanë marrë pjesë në kërkim, veçanërisht grupeve indigjene që punuan pa u lodhur për të gjetur prova të sulmit,” thanë ata në një deklaratë të mërkurën.

Pereira e kishte prezantuar gazetarin – i cili po shkruante një libër në Amazon – me kontaktet e tij dhe po vepronte si udhërrëfyes i tij kur varka nuk arriti të pikën e caktuar pranë kufirit me Perunë.

Dyshja u zhdukën në luginën Javari, në perëndimin e largët të Brazilit, një rajon i largët, shtëpia e mijëra njerëzve indigjenë nga më shumë se 20 grupe, të cilët jetojnë të izoluar nga bota e jashtme.

Ekspertët thonë se zona është kthyer në një vatër krimi për shkak të largësisë së saj dhe mungesës së mbikëqyrjes së qeverisë.

Dhuna është rritur gjithashtu ndërsa bandat e trafikut të drogës luftojnë për kontrollin e rrugëve ujore të zonës për të kontrabanduar kokainën.

Rajoni – i cili është sa përmasat e Portugalisë – është i njohur për konflikte të dhunshme midis këtyre grupeve të ndryshme kriminale, agjentëve të qeverisë dhe njerëzve indigjenë dhe këto ishin pikërisht konfliktet që Philips dhe Pereira që po dokumentonin./bbc/arbresh.info/