Një gjykatë gjermane ka dënuar një ish-oficer të regjimit sirian për krime kundër njerëzimit, në një gjyq për herë të parë të njerëzve të lidhur me qeverinë në Damask.

Ish oficeri i inteligjencës Eyad al-Gharib, 44 vjeç, u dënua me katër vjet e gjysmë burg për ndihmë ndaj krimeve kundër njerëzimit, shkruan CNN, transmeton arbresh.info.

Gharib u dënua për shoqërimin e transportit të 30 demonstruesve të ndaluar, pavarësisht se dinte për torturat sistematike në burgun ku të arrestuarit po dërgoheshin, sipas prokurorëve. Protestuesit dyshohet se u rrahën gjatë rrugës për në burg.

Ish oficeri i regjimit u arrestua në Berlin së bashku me ish-oficerin e lartë të regjimit kolonel Anwar Raslan në shkurt 2019 nën parimin e juridiksionit universal, i cili jep gjykatës kombëtare një juridiksion për krime të rënda kundër ligjit ndërkombëtar, edhe kur ato nuk kryhen në atë territor.

Raslan, një ish-oficer i lartë i inteligjencës, është ende në gjyq. Ai akuzohet për mbikëqyrjen e torturave të të paktën 4,000 të burgosurve gjatë kryengritjes së Sirisë. Të paktën 58 të burgosur vdiqën. Përdhunimi dhe sulmi seksual dyshohet se kanë ndodhur në të paktën një rast.

Regjimi i Presidentit Sirian Bashar al-Asad është akuzuar vazhdimisht për krime lufte dhe krime kundër njerëzimit gjatë luftës gati dhjetë-vjeçare të vendit. Por përpjekjet për të ngritur një gjykatë ndërkombëtare janë penguar nga vetot ruse dhe kineze në Këshillin e Sigurimit të Kombeve të Bashkuara.

Zyrtarët sirianë kanë mohuar vazhdimisht akuzat, duke këmbëngulur se ata cak kanë terroristët dhe jo protestuesit paqësorë.

“Sot është një ditë e jashtëzakonshme në jetën e Sirianëve,” i tha CNN Amer Matar, një 33-vjeçar Sirian i cili tha se ishte torturuar nga Raslan. “Ky është një mesazh shumë i rëndësishëm për ne si Sirianë se drejtësia mund të arrihet me të vërtetë, madje edhe në një vend shumë të largët si Gjermania, edhe nëse është i pjesshëm, dhe për njerëz të veçantë.”/arbresh.info/