Zyrtarët gjermanë të shëndetësisë e kanë përshkruar “dëshpërues” dhe “të pakonceptueshëm”, numrin e vdekjeve nga COVID-19 në vend.

Sipas CNN, përcjell Telegrafi, reagimi vjen pasi numri i përgjithshëm i viktima nga coronavirusi u rrit në mbi 50 mijë.

“Një total prej 50,642 njerëzve kanë vdekur si pasojë e COVID-19 që kur filloi pandemia, kjo është dëshpëruese për mua, pothuajse një numër i pakonceptueshëm”, tha kreu i Institutit Robert Koch, Lothar Wieler.

“Rastet janë shumë të larta, por ne po shohim një prirje paksa pozitive në numrin e rasteve”, u shpreh ai.

Në të njëjtën konferencë, ministri gjerman i shëndetësisë, Jens Spahn, përsëriti thirrjen për njerëzit që të respektojnë masat ekzistuese kundër coronavirusit, për të shmangur mbingarkesën e sistemit të kujdesit shëndetësor.

“Ne po shohim një lehtësim fillestar në ambientet e njësisë së kujdesit intensiv”, tha ai, por paralajmëroi se numri i pacientëve të pranuar në njësitë e kujdesit intensiv “ishte ende shumë i lartë”.